Er persónurin frádømdur koyrirættin treytaleyst, kann viðkomandi tá ið frádømingartíðin er umliðin, fáa rættindini aftur, um viðkomandi stendur eina eftiransandi koyriroynd. Viðkomandi skal upp bæði til eina ástøðis og verkliga roynd. Ein kann fara upp til ástøðisroynd 3 mánaðir áðrenn og til verkliga roynd 1 mánað áðrenn frádømingartíðin er úti.
Er persónur frádømdur koyrirættin innan fyri 3 tey fyrstu árini eftir, at hann fekk koyrirættin fyrstu ferð, sbr. § 18d, stk 3 í ferðslulógini, skal serlig koyrifrálæra vera gjøgnum førd og eftiransandi koyriroynd staðin áðrenn koyrirætturin kann endurvinnast. Serliga koyrifrálæran, sum í fyrsta lagi kann byrja 3 mánaðir, áðrenn frádømingartíðin er úti, skal vera endað, áðrenn farið kann vera til eftiransandi koyriroynd.
Áðrenn farast kann til eftiransandi koyriroynd, skal umsøkjarin hava fingið serliga koyrifrálæru, hjá góðkendum koyrilærara, sum er góðkendur til tann bólk, sum serliga koyrifrálæran snýr seg um. Serliga koyrifrálæran skal í minsta lagi fevna um 7 skúlatímar í frálæruhøli og 8 skúlatímar í verkligari koyrifrálæru. Frálæran til serligu koyrifrálæruna skal í minsta lagi verða givin í 8 frálærudagar.
Eru 3 ár ella meira liðin síðan koyrirætturin varð frádømdur, skal umsøkjarin koma við einari læknaváttan, sum ikki er eldri enn 3 mánaðir.
Hevði umsøkjarin koyrkort til fleiri koyrikortsbólkar, og 3 ár ella meira eru liðin síðan koyrirætturin varð frádømdur, skal hann til koyriroynd (ástøðis og verkliga roynd) í øllum bólkum, um endurtøka ynskist í øllum bólkum
Umsøkjarin skal lata fylgjandi skjøl inn til Akstovuna:
Hevur koyrirætturin verið frádømdur treytaleyst vegna rúsdrekkakoyring, skal viðkomandi, áðrenn endurtøka kann fara fram, hava fingð RF - skeið (rúsdrekka- og ferðsluskeið). R/F-skeiðið hevur 4 undirvísingareindir á 2 1/2 tíma spjatt yvir í minsta lagi 4 vikur. Møtiskylda er til allar undirvísingareindirnar. Eftiransandi koyriroyndin skal verða staðin í seinasta lagi eitt ár eftir lokið RF - skeið.
Ein loysn frá
Sendistovuni