Innflutt akfør

Tá ið akfar, ið ikki fyrr hevur verið skrásett her á landi, verður skrásett, skal fráboðan til sýn og/ella skráseting útfyllast og prógv fyri at akfarið er skrásett áður (uppruna útlendskt skrásetingarskjal) fyriliggja. Akfarið skal sýnast og góðkennast og gjalda fyri nummarspjøldur, skrásetingargjald, vektgjald, skrásetingarsýn og hava teknað trygging, áðrenn tað kann fáa nummarspjøldur.
Akfar kann bert skrásetast, um eigarin (nýtarin), sum nevndur er og hevur undirskrivað fráboðan til sýn, hevur fastan bústað her á landi.