Gjald skal latast til landskassan av skrásetingarskyldigum motorakførum heimahoyrandi her á landi og av síðu- og viðfestum vognum til hesi.

Veg- og umhvørvisgjald verður at rinda av øllum gjaldskyldugum akførum. Av gjaldsskyldugum akførum, ið eru lagað til at nýta aðra drívmegi enn bensin, verður harumframt rindað eitt útjavningargjald. Saman við veg- og umhvørvisgjaldinum, verður árliga sýnsgjaldið eisini kravt inn.

Um veg- og umhvørvisgjald

Veg- og umhvørvisgjald verður tilskrivað tvær ferðir um árið, og fellur til gjaldingar 2. januar og 1. juli. Verður gjaldið ikki rinda rættstundis, kann Akstovan áleggja eitt mánaðarligt áminningargjald á kr. 150,-. Áminningarskriv verður sent tvær ferðir í hvørjum hálvári, og er veg- og umhvørvisgjaldið tá ikki goldið, verður skriv sent til løgregluna um at taka nummarspjøldrini.

Upphæddin verður ásett eftir útláti, nýtslu, vekt og drívmegi.

Mannagongd fyri sendingum av veg- og umhvørviskrøvum

1. Hevur persónur sjálvvirkandi gjaldsavtalu, verður kravið trekt sjálvvirkandi av konto ánarans. Í hesum føri verður ongin rokning send. Um akfar verður selt og skiftir eigara, má gjaldsavtalan strikast í Mínrokning ella við at seta seg í samband við Akstovuna.
2. Hevur persónur upplýst sína teldupostadressu, tá akfar verður skrásett ella hevur biðið um skráseting av teldupostadressu til veg- og umhvørvisgjøld, sendir Elektron vegna Akstovuna rokning til móttakaran sum teldupostur. Akstovan hevur gjørt avtalu við Elektron um at skráseta og vísa taldgilda rokning í skipanini Mínrokning, tá rokningin verður send sum teldurpostur til móttakara, viðheft eitt FI-inngjaldskort. Ongin innritan krevst, tá viðskiftafólkið verður biðið um, at opna rokningina (FI-inngjaldskortið) í Mínrokning. Viðskiftafólkið kann velja at prenta rokningina út frá viðheftum PDF-fíli.
3. Hevur persónur ikki upplýst teldupostadressu, men er tilmeldaður skipanini Mínboks, sendir Elektron vegna Akstovuna rokning til móttakaran í Mínboks. Viðskiftafólkið verður kunnað við telduposti frá Mínboks, at Akstovan hevur sent viðkomandi eitt bræv (veg- og umhvørvisrokning – dato) í Mínboks, um viðskiftafólkið hevur eina teldupostadressu. Viðskiftafólkið verður biðið um at ritað seg inn í Mínboks fyri at lesa brævið.
4. Hevur persónur ongan av hesum oman fyri nevndu møguleikum valt, verður kravið sent sum vanligt bræv við Posta til skrásetta bústaðin.
5. Fyrsta áminning verður send við telduposti.
6. Onnur áminning verður altíð send við Posta til skrásetta bústaðin

Gjald umvegis netbankan

Um goldið verður umvegis netbankan skal ein gera soleiðis:
Far inn á flytingar, vel inngjaldskort. Tøppa upphæddina inn, og tøppa síðani tølini, sum standa niðast á inngjaldskortinum inn. Legg til merkis at 71 stendur inni frammanundan.
Um eigarin hevur GS-avtalu við peningastovnin, má nýggj avtala leggjast inn tá akfarið skiftir eigara.

Umhvørvistalvan er galdandi fyri akfør sum eru skrásett í Føroyum eftir 1. januar 2019 og eru roknað eftir WLTP útrokningarháttinum

Umhvørvistalvan er galdandi fyri akfør sum eru skrásett í Føroyum eftir 1. januar 2017 og eru roknað eftir NEDC útrokningarháttinum

Vektgjaldstalvan er galdandi fyri akfør sum eru skrásett í Føroyum áðrenn 1. januar 2017

Persónbilar, hýruvognar, motorsúkklur og bussar verða roknaðir eftir eginvekt.

Vøruvognar, lastvognar og legu og viðfestisvognar verða roknaðir eftir heildarvekt.