Hýruvognar og skúlaakfør - § 7, stk. 1, nr. 1)

Hýrubilar og skúlaakfør eru undantikin virðisavgjaldi.

Fyri at skráseta motorakfar sum sum hýruvognur ella skúlavognur / -súkkla, krevst loyvi frá Akstovuni.

Hýruvognur:

Treytir fyri loyvinum:

Skrásettur eigari skal hava:

1. koyrikort til vinnuligan fólkaflutning til persónbil (bólkur BV),
2. skrásettur eigari í Tórshavnar kommunu, skal hava hýruvognsloyvi frá kommununi.
3. navnabræv ella p-tal.

Pant verður tinglýst í hýruvogninum svarandi til virðisavgjaldið í 20 mánaðir.

Dømi – hýruvognur (CO2 útlát 228 g/km):

Skúlavognur / -súkkla:

Treytir fyri loyvinum:

Skrásetti eigarin skal hava:

1. koyrikort sum góðkendur koyrilærari til viðkomandi koyrikortsbólk,
2. navnabræv ella p-tal

Pant verður tinglýst í skúlavogninum / -súkkluni svarandi til  virðisavgjaldið í 20 mánaðir.

Dømi – skúlavognur (CO2 útlát 189 g/km):

Verður hýruvognur ella skúlavognur / -súkkla skrásett til privata nýtslu, áðrenn 30 mánaðir eru gingnir frá skrásetingini sum hýruvognur ella skúlavognur / -súkkla, verður virðisavgjaldið goldið, sbrt. §§ 3 – 5, lutfalsliga samsvarandi tíðini, sum restar í teimum 30 mánaðunum.

Verður hýruvognur ella skúlavognur / súkkla selt til sama vinnuliga endamál, skal keyparin hava loyvi frá Akstovuni.